Gitara

Tunog mo'y kahali-halina

Kaysarap pakinggan sa tenga,

Bawat himig na naririnig

Ay talagang kaaya-aya.

Himig na nalilikha

Humahaplos sa aking mukha,

Pag-ibig ko at paghanga

Unti-unting lumalala.

Pag-ibig na nga kaya

Itong aking nadarama,

Bigay ka ba ng tadhana

At sa akin ay nakatakda?

Bawat sulyap mo sa bintana

Sa aking puso'y laking tuwa,

Ang musikang naririnig

Sa iyo pala nagmumula.

Kaligayahan ko'y lubos

Halos ako ay maupos,

Tulad ng kandila, natutulala

Sa pagtitig sa iyong mukha.

Gitara ang siyang pinagmulan

Himig na iyan na kung saan,

May lagusan bang dinaanan

At puso ko ang pinasukan?

yan ang pinakafavorito ko sa lahat ng mga tulang nagawa ko...so far...haha Ü...mga makata days...nun hayskul...nagpapanggap...Ü