Pagsubok

May isang malaking pagbabagong magaganap sa buhay ko sa araw na ito.

Noong una kong marinig na magiging 4pm to 1am na ang pasok ko mula Oct. 11, negatibong emosyon agad ang bumalot sa aking pagkatao dahil sa mga dahilang dati ko pa alam:

- di ako night person

- ayoko ng panggabing trabaho - kung gusto ko, sana noon pa, nag-apply na ako bilang isang cc agent

- ayaw ko talaga

Naisip ko noong panahong medyo kumalma na ako, sige, susubukan ko kahit isang linggo...pag di talaga kaya eh di umalis.

Ayan na naman. Umalis. Magresign. Ayoko naman na wala akong trabaho lalo na ngayo't magpaPasko...ang hirap na namang magdesisyon.

Kinausap kami noong Biyernes. Natapos na ang diskusyon. Alam ko na ang mga ekspektasyon ng kumpanya sa akin, sa amin. Siguro nga mayroon kaming mga pagkukulang. Hindi namin ibinigay ang lahat. Hindi namin ginawa ang mga dapat gawin. Paglabas namin ng conference room, parang nagkaroon ng bagong sigla - sige susubukan ko - papatunayan ko kung ano ang kaya kong gawin.

Pero ngayon, Lunes na, ito na ang totoong buhay...hindi ko na naman alam kung ano ang gusto kong maramdaman.